þankagangur

Var að hugleiða Bandaríkinn um daginn og einhvernveginn varð það aðalumræðuefni fjölskyldunnar á leiðinni heim úr jólaboði í gærkveldi.
Upp komu margar skemmtilegar spurningar og kenningar varðandi hegðun bandaríkjamanna og hátt hlutfall t.d. raðmorðingja og drápa almennt.
Kom t.d. í ljós að 5 % heimsins búa í Bandaríkjunum en 85% raðmorðingja í heiminum eru frá bandaríkjunum.
Einnig kom inn í umræðuna hveru ótrúlega margir eru drepnir með byssu í bandaríkjunum við og við veltum fyrir okkur afhverju þetta er svona eins og þetta er.
Upp komu margar skemmtilegar kenningar en mín kenning er þessi.

Að mínu mati er þetta í stórum dráttum samspil tveggja þátta.

a) rosalegt aðgengi að skotvopnum í bandaríkjunum
b) fyrirmynd yfirvalda.

Með fyrirmynd yfirvalda á ég við þau skilaboð sem þau senda þjóðinni.
Hvað er kennt í skólum? Bandarísk saga og nánast ekki neitt annað!
Nemendur læra t.d. lítið annað en bandaríska sögu í skólum og þeim er kennt að bandaríska þjóðin sé sú besta og allt sem við kemur bandaríkjunum sé best.
En svo ég komi aftur að þeim skilaboðum sem yfirvöld senda þjóðinni þá má horfa á landið í heild sinni og yfirvöld hennar sem foreldra og fólkið í landinu sem börnin.

Landið fer í stríð við önnur lönd þegar því sínist og tekur ekkert mark á boðum né bönnum sem þeim hafa verið sett.
Gera það sem þeim sýnist þar sem Bandaríkin eru besta þjóð í heimi sem er einhvern yfir aðra hafinn og síðast en ekki síst yfir reglur hafin.

Hvaða skilaboð sendir þetta út í þjóðfélagið?

Þetta fer frá því að vera: HÉR ERUM VIÐ, UM OKKUR, FRÁ OKKUR, TIL OKKAR (bandaríkin) og þegnar landins byrja að hugsa: hér er ég, um mig, frá mér, til mín.

Þeir læra það af yfirvöldum að þeir geti gert hvað sem þeir vilja. Mannslíf eru ekki metin mikils og manni á að standa á sama um Jón nágranna því það eina sem skiptir máli er maður sjálfur, manns eigin þjóð.
Samkennd með öðrum er engin og auga fyrir auga, tönn fyrir tönn lögmálið gildir oftar en ekki.

Þegar amerísk yfirvöld ráðast inn í t.d. írak án allra heimilda, falsa skjöl til að réttlæta sig, og fara gegn öllum boðum og bönnum vegna þess að þeir halda að þeir geti gert hvað sem er þá senda þau út sömu skilaboð til þegna landsins.

Hvað gerðu þau við lönd sem ekki studdu þau til innrásarinnar? Þau einfaldlega lögðu þau í einelti.
Tökum t.d. frakkland fyrir sem var lagt í einelti af bandarískum yfirvöldum og þjóðinni allri vegna þess að það studdi ekki innrásina.

Hugarfarið er svona: hér eru við um okkur frá okkur til okkar. Við gerum það okkur sýnist, þegar okkur sýnist og það segir okkur enginn hvað við eigum að gera eða eftir hvaða reglum við eigum að fara því við erum yfir þær hafin og ef þið mótmælið okkur þá eruð þið í djúpum skít.

ímyndið ykkur ef þetta hugarfar kemst í hendur borgaranna OG að ógleymdri byssueign bandaríkjamanna og aðgengi að skotvopnum.
Það versta er að þetta hugarfar er þegar komið í hendur borgaranna og afleiðingarnar eru að koma í ljós.

Jæja var aðfangadagur í gær. Mjög skemmtilegt og ég fékk nokkra sniðuga hluti. Þetta var mjög skemmtileg stund en skrítið að það sé ALLT lokað í dag. Fer annars í jólaboð á eftir í RVK til frænku minnar :D og það verður gaman :D

Fékk.......

Mjög flottan úlpujakka Frá mömmu og pabba
Geggjaða peysu og skyrtu undir frá mömmu og pabba
Galdrasett frá mömmu og pabba
Eitthvað snyrtisett frá ömmu,
Konfekt frá húsasmiðjunni
Gjafabréf í Jack and Jones frá mömmu og pabba
Gjafabréf í Barón frá Friðfinni
Þankagangur eftir Jón Gnarr frá mömmu og pabba
nuddSokka frá mömmu og pabba
Sennheiser heyrnatól frá mömmu og pabba
Leonardo &co spilið sem ég gaf sjálfum mér (fjölskyldunni)
Silkibindi sem ég keypti sjálfur og ákvað að gefa mér :D
Outdoor photography blað frá Melkorku og Skúla
Buzz frá Mér og Magnúsi til Mín og Magnúsar :D


Þá er held ég hver og einn einasti hlutur talinn upp og ég er bara nett sáttur við mitt :D

Talandi um ömmu. Hver man ekki þegar nokkrir vinir okkar Magnúsar komu í heimsókn og við snæddum saman eina köku sem var ein af þeim fjórum sem amma bakaði og amma var alveg í sjokki og bakaði 3 til viðbótar til að bæta upp þessa einu sem við borðuðum......................... Hver er hún? Hún er zúberamman

Amma bara mætt í heimsókn.
Kom í vinnuna til mín áðan og spurði: Á ég að kaupa eitthvað til að hafa í hádeginu.
Ég: nei nei það er alveg óþarfi, ég vil ekki neitt
Hún: Hvað á ég að kaupa til að hafa í hádeginu.
Ég: nei það er alveg óþarfi sko. Hún: já ég skal þá reyna að kaupa eitthvað.

Uhh hvað var það sem hún skildi ekki við setningar eins og: það er óþarfi, ég vil ekki neitt og nei. Mætti svo heim í hádeginu rétt áðan og þá ríkur amma úr eldhúsinu og segir hástöfum: Ertu kominn, æjæj ég ætlaði að vera búinn með brauðtertuna handa þér. Ég skal bara klára hana einn tveir og þrír.

Ekki nóg með það að mig langi ekki í neitt og vilji ekki að hún kaupi neitt, keypti hún efni í heila brauðtertu handa mér sem er að verða tilbúin núna.

Já hún amma er engri lík, hún Zúberamman.

Um daginn var ég inn á klósetti að dunda mér og svo allt í einu var ég að leita að sjampói , nakinn í sturtunni með vatnið á fullu og ég hrökk upp og hafði ekki hugmynd um hvernig ég komst í sturtuna. Leit á gólfið og þar lágu fötin mín sem ég mundi ekki eftir því að hafa farið úr og var GJÖRSAMLEGA clueless um hvernig þetta hafði gerst. Ég hélt að svona gerðist bara í bíómyndum en núna hef ég afsannað það. Mjög skemmtileg lífsreynsla sannarlega.

Ég vaknaði í morgun og pældi í því hvort það hefði orðið sprenging í herberginu mínu. Er búinn að vera svo upptekinn að ég hef ekki tekið eftir því að það var allt í rústi. Herbergið verður aldeilis tekið fyrir í jólafríinu

Síðasti vinnudagurinn. Ég er farinn að halda að verkstjórinn minn sé ekki heill á geði. Var búinn að ræða það við hann að ég myndi hætta núna í lok fimmtudags og Friðfinnur tæki við og allt í fínasta lagi. Svo kemur hann áðan. Jæja Kolbeinn þú vinnur um helgina er þaggi? ÉG: Uhh nei ég klára bara út daginn þú veist það og þá tekur friðfinnur við. Hann: HAA nú uhh já ehh ætlarðu þá ekki að vinna eða? Ég: nei ég verð á snæfellsnesinu eða á einhverju nesi í ferð og svo van ég líka síðustu helgi. Hann: já uhh (kemur með svipinn ég er ekkert að fatta hvað er í gangi) Svona þegar mar þarf að útskýra hlutina miljón sinnum fyrir fólki :D

Síðust dagar hafa einkennst af spilamennsku, lestri á syrpum og hlustun á jólatónlist þar sem ég hef verið að "vinna" í jólatrésölu húsasmiðjunnar og það hefur ekki verið neitt að gera og spilum bara og spilum.
Erum búnir að vera að hanna hornið okkar í vinnuni og höfum sett jólaslöngu í kringum borðið okkar og eina á einn stólinn sem nú kallast partýstóllinn eða heiti stólinn. Alveg ótrúlegt hvað maður getur fundið sér margt skemmtilegt að gera þegar það er ekkert að gera.

Æðislegt að skólinn skuli vera búinn. Ég er búinn að sætta mig við fallið í stærðfræðinni og því hef ég engu að tapa með því að ræða við kennarann, benda á útreikninga til að hækka einkunina eitthvað smá og tala við við skólastjóra eða skólanefnd og fá hana til að hækka einkunir yfir bekkinn.

VIrkar að öllum líkindum ekki en þar sem ég hef engu að tapa ætla ég að skella mér í þetta mál. lag dagsins: My Delusions - Ampop

Keypti fullt af málingu áðan og er byrjaður að mála eins og brjálæðingur. Er reyndar bara búinn að setja nokkrar slettur á loftið en er að setja málingarteip eins og brjálæðingur út um allt.

Er að spá í hvort ég eigi að vinna á morgun eða ekki. Má tæknilega séð taka mér frí og ég er að spá í að nýta mér það en það er samt sem áður 7000 kall sko. hugsi hugs.